فيضان محمد

فیضانِ محمدﷺ

ہر شخص کی گردن پہ ہے احسانِ محمدﷺ

ہر سمت نظر آتا ہے فیضانِ محمدﷺ

ممکن نہیں مجھ سے ہو بیاں شانِ محمدﷺ

جبریلِ امیں رہتے تھے دربانِ محمدﷺ

ہر دور میں باطل نے بہت زور لگایا لیکن نہ بُجھی مشعلِ قرآنِ محمدﷺ

امت میں ابو بکر کا ثانی نہیں کوئی جو پاس تھا سب کر دیا قربانِ محمد

ہر شخص کی گردن پہ ہے احسانِ محمدﷺ

ہر سمت نظر آتا ہے فیضانِ محمدﷺ

اسلام کی عظمت کو عمر نے ہے بڑھایا

ہر ملک میں پھیلا دیا فرمانِ محمدﷺ

عثمانؓ نے ارشادِ نبیﷺ سامنے رکھا

سینچا ہے لہو دے کے جو بُستانِ محمدﷺ

حیدرؓ کی شجاعت ہو کہ حمزہؓ کی شہادت دونوں میں نظر آئی ہمیں شانِ محمدﷺ

ہر شخص کی گردن پہ ہے احسانِ محمدﷺ

ہر سمت نظر آتا ہے فیضانِ محمدﷺ

کرتا ہے وہ اشعار میں بھی ذکرِ صحابہؓ

جو بھی ہے حقیقت میں ثنا خوانِ محمدﷺ

بڑھتی ہی رہی شانِ "وَرَفَعْنَا لَكَ ذِكْرَكْ"

اللہ کی رحمت ہے نگہبانِ محمدﷺ

اے میرے خدا تجھ سے یہ دانش کی دعا ہے

چھوٹے نہ کبھی ہاتھ سے دامانِ محمدﷺ

ہر شخص کی گردن پہ ہے احسانِ محمدﷺ

ہر سمت نظر آتا ہے فیضانِ محمدﷺ

ہر شخص کی گردن پہ ہے احسانِ محمدﷺ