ہے میری یہ دعا

ہے میری یہ دعا

ہو کرم کی نظر، رحمتیں ہو عطا، ہے میری یہ دعا

تیرے بندوں کی یہ حالتیں زار ہیں

ہَم میں اخلاص ہے اور نہ ہی سار ہے

جو مثالی نہیں، ایسا کردار ہے

ہَم ہیں بھٹکے ہوئے، ہَم کو اقرار ہے

ہَم پہ کر دے کرم، سیدھا رستہ دکھا

ہے میری یہ دعا

ہو کرم کی نظر، رحمتیں ہو عطا، ہے میری یہ دعا

ظلم و دہشت سے مولا بچا لے ہمیں

ہیں مصیبت میں مالک نکالے ہمیں

پستیوں میں گرے ہیں، اٹھا لے ہمیں

کون تیرے سِوا اب سنبھالے ہمیں

تیری رحمت کا ہے ہر گھڑی آسرا

ہے میری یہ دعا

ہو کرم کی نظر، رحمتیں ہو عطا، ہے میری یہ دعا

تیرے دَر پر جنید اور کمال آئے ہیں

سب کی خاطر یہ دامن کو پھیلائے ہیں

شکر ہے جو کرم تُو نے فرمائے ہیں

اور بھی ہو کرم، یہ دعا لائے ہیں

بخش دے ہر خطا، نعمتیں کر عطا، ہے میری یہ دعا

ہو کرم کی نظر، رحمتیں ہو عطا، ہے میری یہ دعا

یہ وطن جو ہمیں تیرا انعام ہے

اِس کی رُوحِ رواں دِینِ اسلام ہے

اِس کی جان تیرے محبوب کا نام ہے

اِس وطن کی حفاظت تیرا کام ہے

جو فریضہ ہے اپنا، کریں ہَم ادا

ہے میری یہ دعا

ہو کرم کی نظر، رحمتیں ہو عطا، ہے میری یہ دعا