Madiney Ko Jain

نسیما جانب بطحا گزر کن

ز احوالم محمد را خبر کن

ببر ایں جان مشتاقم بہ آں جا

فدائے روضۂ خیر البشر کن

شب و روز اب تو یہی ہیں دعائیں

خدا دن وہ لائے مدینے کو جائیں

نظر آئیں جس دم حرم کی فضائیں

بہر گام اپنی نگاہیں بچھائیں

شب و روز اب تو

عرب کے بیاباں کا ہر ذرہ چومیں

غبارِ حرم کو گلے سے لگائیں

وہ دنیا کی جنت، وہ جنت کی دنیا

معنبر ہوائیں، معطر فضائیں

شب و روز اب تو

جہاں پر ہیں انسان جیسے فرشتے

مہکتی ہیں ہر سو عبائیں قبائیں

کبھی مسجد فتح و نصرت کو دیکھیں

کبھی جا کے لے لیں اُحد کی بلائیں

شب و روز اب تو

کبھی دور اس سبز گنبد کو دیکھیں

کبھی پاس آ کر نگاہیں جھکائیں

کریں جالیوں پر ان آنکھوں کو صدقے

مواجہہ میں اشکوں کے موتی لٹائیں

شب و روز اب تو

ادھر سے اُمڈتے ہوں اشکِ ندامت

اُدھر رحمتوں کی برستی گھٹائیں

تصور جب اپنی خطاؤں کا آئے

بھلا دیتی ہیں سب ان کی مسلسل عطائیں

فضا میں چار سُو ہیں صلِ علٰی کی

سلامٌ علیکُم کی لب پر صدائیں

دعا ہے یہ کیفیؔ کہ اس سال ہم بھی

مدینے کے دیوار و در دیکھ آئیں

شب و روز اب تو یہی ہیں دعائیں

شب و روز